Pengawa Gotong Royong

Kena ke 31.7.2016 tu kemarik, bala nembiak rumah panjai udah bergempuru ngadu ke pengawa gotong royong. Batang pengawa ke sarinyak nyengkaum meresa paip jamban enggau meresi sungai. 

Nyaga pemeresi palan alai diau sigi patut dikemeratka laban endur ti kamah tau ngundang macham penyakit ke dibai nyamuk, lalat enggau bansa macham jelu ke bukai. Nyak alai nitih ke aum ke udah ditetapka, pengawa gotong royong sigi patut dikereja dua bulan sekali. Terima kasih ngagai semua bala nembiak rumah panjai ke udah enggau ngulu pengawa tu...

# Apayangpentingkerjasama....

Growing In Christ

Program ti deka digaga ba Rh.Dayong kena ke 17hb-19hb Jun 2016 tu. Barang sapa ti beminat tau madah ngagai Mr.Lawrence tauka Mr.Alexander. 

Pengawa Gotong Royong 24/4/2016

Nama berita bala semua?

Udah merarau baka ke tengah ari tu.

Saritu, aku ka mai kita meda pengawa kami serumah kena ke 24/4/2016 tu tadi.

Baka selama program gotong royong semampai digaga kena meresi rumah panjai kawasan rumah panjai. Sekali tu, gotong royong digaga kena nganta ke bala temuai ti deka datai ujung bulan tu.

Terima kasih ngagai bala ke udah enggau ngereja pengawa tu.

TR: mesti ka tan pagar tu, enda alah tingkil ila maya temuai datai!
Apai Cheraring & Setia : Okay, boss!

Mese nyak kita rumput! - Aki Engkala

Enggai alah laban apai! -Apai Tema

Urang empu pengawa ujung bulan tu mesti lebih gik gawa..

Kami ka meh begambar...

Ngetu dulu wai...dah bendar!

Upacara ngaga design pun kayu!-Didik

Ngintu Ari Pengada

Selamat Ari Pengada ngagai Tuai Rumah enggau anak ia ti sama bela ada ba bulan 3.
Arap ke meruan diberkat ke dalam semua pengawa serta bepengerai.

Pelajar Sekula

Kitai nyau ka datai ba bulan 2. Gawai pen majak ngansak sesemak, nyau nadai berasai ari beganti. Ngagai bala nembiak ke ngambi peresa SPM taun nyin kemarik, nyau majak kesal asai ati nganti pemutus, nda piak? 

Kati udah bisi ba runding bala nembiak semua, nama pelajar ka diambi kita pengudah nerima pemutus peresa SPM tu ila? Ngagai bala ke bedau agi ngisi borang UPU, tau berengkah ngisi diatu borang UPU (tarikh tutup: 5 April 2016). Kita tau nemu enggau silik agi pasal UPU tu ba laman web UPU ( http://upu.mohe.gov.my/web/  ). Siti pesan aku ngagai bala menyadi ke benung nganti pemutus peresa, manah tauka nda manah pemutus peresa kita ila, isi aja form nuju palan pelajar ke bisi diatu. Kitai enda nemu nama utai ti ulih kita ila. 

Bisi sekeda ke kala dipeda ba taun ti udah, meda pemutus peresa SPM diri enda entu mujur, lalu badu nyambung pelajar. Anang bakanyak bala menyadi, agi maioh peluang belajar ke bukai ti ulih diambi kitai. Ambi ke chunto, kita mega tau nyambung pelajar ba Institut Kemahiran Belia Negara (IKBN) enggau ba Institut Latihan Perindustrian (ILP). Kita mega tau berengkah ngisi form tama ngagai IKBN diatu (tarikh tutup: 5 April 2016). 

Gambar diambi ari: www.freepik.com

Bala menyadi, sigi enda kala senang pengidup kitai ti belajar. Nadai kala urang nyebut senang, tang nengah pemandai enggau pengelandik aja kitai ulih ngubah pengidup diri enggau sebilik. Semua tu bepanggai ba kita empu bala menyadi, meseti ka ngembuan juluk ati lalu ari nyak ransing ati nyapai juluk ati kita.

Aku ngambi jako ari Tr.Michael Jalak(ari menua Sibu):

"Tu meh pemujur ti deka dipeda kami ngambika ulih besemekih ba pengidup enggau bansa bukai ba dunya ke majak mansang". -Borneo Post

Tr.Michael Jalak siko ari tuai rumah ti ngemeratka pelajar sekula lalu rumah panjai tu mega udah nyadi chunto ba menua Sibu. Admin cukup gaga ati meda rumah panjai tu bisi ngembuan palan alai bala nembiak belajar lebuh maya lepa. Engka tu tau dititih ke kitai ba Sg.Ipoh ianya ngembuan mini-library tauka palan belajar. 

Ngagai sida ti agi besekula, belajar bebendar lalu titih ke pesan bala pengajar. Ngagai ia ke benung nganti pemutus SPM, anang kelalu irau ati tang semampai besampi ngambi ke pemutus peresa nyak ila tau mai kita jauh agi dalam pelajar.

Ps: Gaga ati meda bala menyadi ba Sg.Ipoh nyau udah maioh ngena topi segi empat diatu.

Dialog Begulai Enggau Jabatan Tanah & Survei (Land & Survey)

Kena ke 20/1/2016 tu kemari, program dialog begulai enggau Jabatan Tanah & Survei (Land & Survey) udah di ator ba rumah panjai Tr.Dayong, Sg.Ipoh.

Kebuah dialog tu di ator ngambi ke nerang ke pengawa ti deka begaga ke jalai Pan Borneo (berengkah ari simpang Bakun datai ke Sg.Tangap). Kitai sama bela nemu kemaya tu projek ngaga jalai Pan Borneo benung di pejalai ka. Maioh tanah kebun enggau rumah ke ba tisi jalai kena sungkur endur sida ia begaga ke jalai alun ke baru. Ba dialog tu mega bisi di bantai ke sekeda plan ni bagi menua ti kena tujah jalai tu dudi ari. Pia mega ba dialog tu, dipadah ke bagi sida ke ngembuan tanah tauka rumah tisi jalai ti kena sungkur laban projek tu tau ngisi form tuntutan (berengkah ari 8.1.2016 datai ke 7.3.2016). Ngagai sapa ke enda ulih enggau ba dialog tu tadi tang ka nemu enggau silik agi tau nanya ba Jabatan Tanah & Survei senentang perkara tu. 

Lansa Berita Krismas 2015 Enggau Pengerami Taun Baru

Sekeda ari program lebuh maya pengerami Krismas 2015 tu tadi. 

a) Carolling ari bilik ke bilik

Nda ngetu bala penyanyi enggau penebah gitar carolling ari bilik ke bilik. 

Taja pen tubuh nda maioh serumah, nang semangat Krismas nyak anang kurang!

Bendar sigi bendar nebah nyawa!

laban ke nadai ngetu lalu belagu, rapar magang bala rayat.
Terima kasih ngagai Apai Udom ke udah sponsor makai babi tunu.

 b) Ngintu Ari Pengada Ms.Vanessa

Penyayau apai ngagai anak indu ia sigi enda alah kira.
Ngarap ke Ms.Vanessa mujur dalam semua pengawa ke dikereja.

c) Pengerami Taun Baru

Pengerami Taun Baru ngangau ke Live Band sida ia..Terima kasih ngagai bala Band Boy!

Mini Gotong Royong

Selamat lemai bala semua..

nama rita bala kita saritu?

Nyadi kena ke 17/1/2016 tu tadi bisi pengawa gotong royong meresi ke atap rumah. 

Mr.Insol mantai ke masalah kulat ke tumbuh ba atap rumah lebuh maya meeting (16/1/2016), tang munyi ko bala rayat kulat tu pedis ka dicuci enti nadai ai ti maioh kena meresi ke ia. 

Ngam ngam ga pagi ari minggu nyak ujan. Lapa deh bala lalu gawa tumu pagi ngelaban ujan (jam 7 pagi berengkah)

meri terima kasih ngagai bala nembiak rumah panjai ke udah enggau meresi ke atap ke pagi nyak.