Jalai Nuju Ke Pendai

Aku bisi nyebut munyi tu, “seput-seput nanjak bukit enti pulai mandi”..aku ka nunjuk ke jalai ti ditengah kami serumah enti ka nurun ke pendai. 

Bisi kami nerima cadangan ianya ngaga tangga nurun ke baruh, engka dalam projek dalam taun ti ka datai tauka dalam projek gotong royong ti ka datai. Tang arap ke jampat ke agi ai paip LAKU datai. Sementara nyak, anggap meh tu siti ari jalai sesais.

mupuk nurun ke ai..

baru first corner tu..

tu second corner..

ba jalai nurun tu, mesti ka bejimat..

enti ari udah ujan, bendar ngaga "brek" kaki laban ke jalai ke licin..

malik ke belakang dulu...berunding ke pejalai pulai nanjak tu legi..

tu lampu gaga bala sida maya nyak..enti bisi karan ila engka manah agi ga gaga..

okay, udah datai..

Program Nanam Bungai (27/1/2013)

Meri selamat pagi ngagai semua bala kita. kati baka saritu? ngarap ke semua ia gerai magang. 

Aum program nanam bungai tu udah diatur dalam meeting kena ke 20/1/2013.

Program nanam bungai tu siti ari program pemeresi rumah panjai. Tuai Rumah meda bisi tayar-tayar kereta lama ti nadai diguna agi. Ari ke di engkah ba tisi endur bala sida menyadi nyamuk betelu, manah agi tayar kereta nyak diubah nyadi "pasu bungai". 

Laban tanah rumah panjai kami jenis tanah ti bebatu, nyadi pedis mimit ka betanam ke utai atas iya. nya alai, tanah diisi di dalam tayar kena nanam pun bungai. pemaioh tayar ke diguna kami ianya 10 igi. kami ngena 10 igi aja laban bisi 10 pintu bilik ba rumah panjai tu.

sekeda ari gambar ke diambi sarinyak:

 

Nama Berita Bala Kita?

Enti jam tu, gerenti bala sida mommy enggau sida ibuk udah ba dapur berunding ke nama lauk ka di panduk kena makai legi. aku sigi rindu enti pulai ke rumah panjai, laban ulih makai lauk best2. ka bakani pen urang ngumbai pemakai ba nengeri nyamai, tang lauk rumah panjai sigi tetap numbur satu ba dalam ati. nyau becherita pasal lauk ga Admin neh..tang kebendar ia ka becherita ke sayur ti ditanam ba belakang rumah. enti ba pasar, ulih meli magang semua sayur nyak, ka bakani pen rega iya, enti ka makai pansut ga seringgit dua..tang enti ba rumah panjai, tanam aja udah nyak maya ka makai, enda ibuh dibayar..bah aram kitai meda nama enda sayur di tanam bala sida ia musim tu..

jeng jeng..mesti ka pulai maya tu dah mansau ila..

terung muda sigi nyamai..

buah chabi tu enda tau nadai di tanam..

daun empasa..ko sida inik, musim bulan ngembai tu nyamai amai daun empasa di panduk..

gegaring buah labu nadai urang makai..

keladi pandan asai aku nama keladi tu..mimit besai lalu diambi empa ke sambal..

Lebuh maya meeting..

Bakatu meh gaya lebuh maya meeting...

Pengingat Pengerami Ngiling Bidai 2012

Ke dulu iya aku  minta ampun ngagai semua kita ke nemuai ngagai page kami tu laban laun amai aku mansut ke cerita senentang pengerami ngiling bidai rumah panjai kami. ba iya, asai ka udah ditulis. sigi baka iya enti Admin nyau makin tuai makin enda ingat ke pengawa kekadang.

Munyi ka selalu disebut aku, rumah pandak ukai reti iya kitai enda rami enti maya bisi pengerami diatur. rami tauka enda nya bergantung ngagai komiti ti ngaga iya. paling penting mesti bisi pelan enggau semangat besaup ka ngadu ke pengawa nyak.

 

 

 

 

 

 

 

Sekeda ari bala "band" ti udah nebah taboh malam nyak: Inik Bennet(baju purple),Inik Tema(baju gadong) enggau Collin (baju burak)

Bala ari Rh.Entawai pen bisi datai berami malam nyak. terima kasih ngagai semua..

 

 

Meri terima kasih ngagai bala ke udah datai ngagai pengerami tu maya nyak lalu ngarap ke bala kita ulih begulai enggau kami serumah aba pengerami ti bukai.