Lansa Berita ba Sg.Ipoh

Nama berita bala kita semua?
Arap ke udah merarau baka ke tengah ari.
Cukup lama amai Admin udah enda berjerita ke pengawa ba rumah panjai kami, baru saritu bisi ga peluang endur ngelansa sekeda pengerami tauka aktiviti ti udah nyadi ba Sg.Ipoh.

1. Pengerami Ngiling Bidai 2014
Pengerami Ngiling Bidai dipejadi ke Yang Berbahagia Datuk Dr.Stephen Rundi. Kami serumah meri terima kasih ngagai Datuk Dr.Stephen Rundi ti udah meri bantu ba pengerami tu mega.

Kredit: Mr.Adrian FB

2.  Program Dasar Warga Emas 
Anjuran : SMK Bandar Bintulu
Kena ke 6/9/2014, sepemaioh 60 iko bala nembiak sekula sereta bala pengajar sida udah datai nemuai ke Rumah Panjai Sg.Ipoh beserimbai enggau Program Dasar Warga Emas. Program tu  ngelalau bala nembiak kemaya ari ngembuan ati ti sayau ngagai bala sida ti udah tuai(baka aki enggau inik). Pia mega ari program baka tu ngemantaika chara idup ba rumah panjai kelebih agi bala nembiak ti diau ba negeri.

Kredit: Mr.Alexander FB

Bekunsi Cherita Kemaya Ari: Produk Ngemajik Diri

Kemaya ari tu maioh amai iklan ba radio, TV, suratkhabar enggau ba muabup ti mantai

ke produk ti ulih ngasuh mua kitai licin,burak enggau lis. 

kekadang aku ke meda muabup geram kediri empu meda pemaioh iklan ba dalam nyak.

aku nulis tu saritu laban kala tepeda ke produk kena ngemajik 

kediri ti enda tau dijual agi ba pasar.

engka bala kita kala tepansa tauka ninga ke berita tu suba lebih-lebih agi sida ke indu.

Ingat kita ba produk Cellnex Anti-Sensitive Essence Treatment (betamethasone), Natural 99 Night Cream, 

Natural 99 Day Cream, SF Beauty Night Cream (Facial) dan SF Beauty Day Cream (Facial)?

Tu meh bansa produk ti enda agi dikemendar ke dijual.

produk tu udah enda dikemendar ke agi dijual ba pasar laban produk tu ngembuan merkuri.

ba sekeda kitai ngumbai merkuri tu enda mai penyai ngagai kitai laban maioh urang

ti nguna produk ti bisi merkuri mua sida nyadi burak lalu manah dipeda.

Merkuri tu baka racun mega laban ia tau mai penyai ba tubuh kitai kelebih agi ba sistem saraf enggau buah pinggang.

enti kitak bisi sebilik tauka kaban ti dipeda beguna ke produk tu,padah ngagai sida ia 

ngambi ke badu beguna ke produk tu.

lalu, aku bisi siti video (link) ti deka aku pekunsi ke enggau bala kita.

Video tu dalam jaku ribai tang mesej ti dibai video tu chukup manah. 

http://www.youtube.com/watch?v=XpaOjMXyJGk

Bekunsi Cherita Kemaya Ari: Dinosaur

Bekunsi Cherita Kemaya Ari: Dinosaur

Nyadi cherita ti deka dikunsi aku enggau bala kita ke saritu ianya cerita 

pasal ngeli dinosaur (gigi dinosaur) ti udah ditemu ba negeri Pahang empai lama ti udah 

dalam taun 2014 tu.

Maya kami belajar suba (Admin belajar ga pasal dinosaur suba), bala pengajar madah ke

nadai kala tetemu ke ngeli tauka tulang dinosaur ba menua kitai Malaysia tu.

lalu berita pasal ngeli dinosaur tu sigi mai maioh reti ngagai bala sida ti belajar ke 

pasal sejarah asal penatai menua kitai tu.

pemanjai ngeli dinosaur tu ianya 23mm. 

ari pansik ke dipejalai ke, dinosaur tu engka bisi kaul enggau bansa 

dinosaur spesis Spinosaurus aegyptiacus.

source: http://en.wikipedia.org/wiki/Spinosaurus 

berita pasal dinosaur tu tau dibaca kita ba link ba baruh tu:

http://www.astroawani.com/news/show/fosil-gigi-dinosaur-pemangsa-spinosaurid-ditemui-di-pahang-30333

tauka kitai ulih ngiga maioh agi pasal rita dinosaur tu ba internet.

Cat Rumah Panjai

Ngagai bala ti bedau kala pulai nemuai pengudah cuti Krismas tu tadi

engka tekenyit meda cat rumah panjai kitai ke baru.

maioh didinga aku nanya ke tanya munyi tu,

"rumah panjai nyak ka?"

"rumah nengeri kini tu?"

iya ke bisi muabup asai aku udah dulu meda. ngagai sida

ke nadai muabup, ditu meh aku mantai ke gambar ia.

Meri terima kasih ngagai semua bala ti udah nyukung pengawa ngecat rumah

panjai tu.

Kredit: Facebook Mr.Adrian

Pagar Rumah

nama berita bala kita semua?

arap ke gerai magang au enda ngira dini alai kita diatu 

enggau nama pengawa ti dikereja bala kita.

munyi ko udah didanji ke aku suba, aku ka mai berita bakani 

gaya pagar rumah panjai kitai diatu.

Tadaa!!

Kredit: Facebook Mr.Jelema..

Nyadi,pengawa ke tinggal diatu ianya ngecat pagar aja.

Demi Keselamatan Rumah Panjang

nama berita bala kita semua?

arap ke semampai gerai belama.

aku ka update pengawa ke benung nyadi ba rumah panjai kemaya diatu

engka sekeda udah nemu berita tu ba muabup(Facebook), 

tang engka sekeda nadai nemu ga rita tu.

berita badas ba rumah panjai kitai laban pengawa ti begaga 

ke pagar besai rumah panjai benung dipejalai ke kemaya tu.

pengawa tu sigi udah lama dikelemati ke lalu seruran disebut lebuh maya meeting.

aku bedau agi meda bakani gamal pagar ke benung digaga 

tang bisi siti gambar dikunsi ke menyadi aku, Adrian ba mua bup.

Gambar diambi ari Facebook Adrian.

ngagai bala ke bedau pulai ke rumah panjai ba taun 2014 tu, 

mesti enda sabar ke meda pagar baru kitai tu.

terima kasih ngagai semua ti udah bekerja begaga ke pengawa tu.

Selamat Taun Baru 2014

Selamat Taun Baru 2014 ngagai bala semua..

Saritu 2/1/2014..

enda berasai udah nyau ka tama 2 taun blog tu udah digaga.

Aku,Admin blog tu ngari ke kami serumah meri terima kasih ngagai semua ti udah meri sukung dalam timpoh ti udah.

Dalam taun ti udah, 

kitai udah begulai betundi enggau pangan diri..

serumpu makai..

sama ngasai ke pemedis niri ke rumah panjai..

ba taun ti baru tu arap ke kitai serumah agi mengkang begulai enggau manah enggau pangan diri..

Ps: pia mega kitai sama bela besampi ke penatai bala karan enggau ai ba rumah panjai tu..

 

Pun Krismas Taun 2013

Taun tu berasai gaga amai ati laban rumah panjai kitai bisi pun Krismas.

Tadaaaa....<3