Pengerami Mangkong Tiang( Part 1)

Tembu udah pengerami mangkong tiang ngilah ke pagi. berasai nyamai ati laban pengawa tu udah mujur digaga.terima kasih ngagai bala komiti ke udah bendar gawa nyendia semua sekumbang pengerami tu. Terima kasih ngagai YB Dato Seri Tiong King Sing ke udah bejadi pengawa mangkong tiang tu.

tang laban ke kelalu maioh gambar, terpaksa admin ngagih ke iya ngagai beberapa bahagian dulu.. enjoy meda post tu dulu. bisi maya, admin edit ngambi ke manah agi.

okay, pegila tauka lusa admin update baru nyambung part 2..

Besedia Ka Mangkong Tiang

Tinggal beberapa jam agi sebedau pengerami mangkong tiang diator tang agi mengkang pengawa ke bedau agi tembu. tusah ati admin ngerunding..

tang nasib ga pengawa ngias pentas enggau pintu gerbang udah tembu. paling badas, line internet malam tu manah lalu olih admin ngadu ke blog tu sebedau di bantai ke pegila..

aram kitai meda sekeda pengawa ke udah tembu digaga..

okay, udah tembu pengawa pegila admin deka update baru senentang pengawa mangkong tiang..

Pengerami Krismas 2012

Admin meri terima kasih ngagai kerajaan ke udah nyendia ke system telekomunikasi ti badas nyentuk ke admin olih ngena internet kena update blog tu ari rumah panjai. Enti udah datai karan ila, gerenti masang internet admin, enti kita nemuai kitu ulih ga beguna ke talian wi-fi kami. Angan-angan admin, tang arap ke tau nyadi nyata ila. 

Ngelansa pengerami krismas taun 2012 tu. Nyadi keterubah iya kami ngaga caroling ba rumah panjai tu. Meri terima kasih ngagai semua ke udah enggau lebuh maya caroling tu tadi. Sigi chapuh belama, taja tuboh kami mimit laban rumah pandak, tang enti udah start belagu, sigi ulih didinga seisi rumah panjai.

Udah tembu caroling, kami serumah gempuru makai.  Pengawa gempuru makai tu sigi semampai digaga enda ngira bisi pengerami tauka enda. Tu siti ari jalai ngerapit ke agi kaul kami serumah. Admin sigi puas makai malam nyak. Nasib enda gentung makai.hehe..

Udah tembu makai, kami berengkah rami belagu. Bisi mega pekit diatur kena ngerindang ati malam nyak. Pekit fancy dress enggau pekit karaoke nya sigi perkara wajib. 

Naka nyak dulu cherita admin bekenang ke pengerami krismas. Enda lama agi pengerami mangkong tiang, ila admin nusi cherita pasal nyak agi. Mupuk dulu admin okay! 

Program Meresi Sungai Ipoh

Program meresi sungai tu sigi selalu diatur enda ngira ke bisi pengerami tauka nadai laban sungai mitt u meh alai bala rumah panjai mandi. Ulih Admin madah, sampai saritu aku semampai seput-seput enti nanjak bukit pulai ari pendai(nyak tanda ia kelalu kurang sesais munyi ko lutor). Tang bala aki inik gau aya ibuk udah cukup steady nanjak bukit tok,alah kami ke biak.

Auk pulai ngagai randau kedulu pasal meresi ai sungai. Nyadi gambar tu diambi lebuh maya program meresi sungai taun tu kemari, gambar ke baru bedau ulih Admin bantai ke laban bedau agi minta ngagai bala jurugambar rumah  panjai.

Terima kasih ngagai bala aki ini, aya ibu laban udah bekerja keras meresi ke sungai kitai!..

Ngentak 2010

Pengawa ngentak rumah panjai Rh Dayong, Sg ipoh digaga ba taun 2010. sekali tu aku ka mulai ke pengingat atur pengawa kami serumah ti ngentak 2 taun ti udah. ba aku empu, tu pengawa ngentak ke terubah dipeda aku laban ukai selalu urang ngentak rumah panjai. Pengawa ngentak rumah panjai enggau pengawa urang ngaga rumah ba pasar sigi jauh beda ia laban pengawa tu di selit ka enggau pengawa asal kitai Iban. 

Malam sebedau ari ti ka ngentak, kami serumah panjai bergempuru ba langkau kebun tuai rumah. malam kami bekerjasama nyendia ka pemakai ke ulih disedia tumu baka manduk pulut lalu berandau ke nama pejalai atur pengawa ti ka diadu. Bisi ga pengirau dalam ati laban malam nyak ari ujan bangat, tang olih berekat Tuhan, ujan ngetu nyau semak ke pagi.

Pengawa pagi nyak berengkah sepenumu jam 4 pagi. bala aki inik enggau aya ibu udah dulu datai ngagai endur ti dituju. kami ke biak laun mimit nurun laban ke agi petang. ukai nulung urang pengujung ia enti kami enggau, nambah ke penanggur aja.

aram kitai sama meda atur pengawa ke sari nyak...

baka selama bala Madam sigi betugas nyadi Chef..

Jam 7 pagi(asai aku jam nyak, tusah ga enti ba rumah panjai jam nyak semampai enda dipeda)..bala sida ke lelaki udah berengkah nyendia ke perengka kena ngentak. 

Paderi besembiang ke pengawa ngentak ke sarinyak.

Udah tembu sembiang, pengawa ngentak mula..

Udah tembu pengawa ngentak, semua urang berasai gaga ati laban pengawa tu ulih mujur digaga.

Tu meh hasil pengawa ngentak sarinyak... Rh Dayong Sg.Ipoh !

Terima kasih ngagai semua ti bisi datai nulung sarinyak. :)