Ari Krismas Nyau Ka Datai!

Selamat tengah ari bala semua.

Nyau enda berasai, nyau ka datai ba bulan 12.

Tama aja bulan 12, lalu nyau enda berasai ga kitai dah semak ka nyambut ari Krismas.

Baka taun ti udah, pentas mesti ka dilagu enggau manah.

Dalam ati ka ngaga sebaka baka dalam gambar ba baruh tu:

Source: althouse.biz

Source: www.pinterest.com 

Tang siti aja pengurang ia, nadai fireplace atas pentas. 

Enda patut ga ka ngaga siti fireplace atas nyak.

Pemuas Admin ngiga dalam internet, bisi tetemu ke siti idea ngaga fireplace ari kotak.
Kati baka ba runding kita? Manah kini idea tu?

source: crafts.ly

Source: www.themepartiesnmore.com 

Program Begulai Enggau SK Sangan

Nama berita bala semua?

Ngarap ke kita semua bela mujur sereta gerai belama.

Kena ke 7.11.2015 tu tadi, siti program begulai enggau SK Sangan udah digaga ba Sg.Ipoh.

Penyampau bala rombongan ke datai ari SK Sangan tu tadi bisi dalam 60 iko (27 staf, 20 iko apai indai nembiak enggau 16 iko bala pelajar sekula).

Meri terima kasih ngagai semua bala anembiak ke udah bekereja nyendia ke pemakai enggau ngatur program maya timpuh nyak. 

Ngagai bala pengabang,kami meri terima kasih laban udah nemuai asuh menua kami ba Sg.Ipoh. Enti bisi pengurang, enggau sepuluh jari kami minta ampun ari bala kitak. 

Salam sayau ari kami ba Sg.Ipoh...

Demam Denggi

Selamat tengah ari bala semua..

Nama rita bala kitak?

Ngagai ia ke benung berapi, perati ke api kitak diak. 

Anang ngelak ke api ba dapur idup nadai urang nguan.

Ngagai ke benung merarau, belubah ke makai enggai ke pengkelan.

Nyadi kenang kitai ke saritu ianya pasal demam denggi tauka sakit nyamuk ko kitai iban. 

Aku enti ninga urang nyebut sakit nyamuk, lalu berasai takut kekadang. 

Ketup nyamuk pen udah nyida, anang agi enti kena ba pala. Lalu tampak amai abi ia mirah ba diak. 

Enti ditemu kitai bisi bala tauka urang dikelala kitai ke sama alai endur diau ngembuan sakit nyamuk, kitai lalu berengkah berunding, " apoo neh, reti ia enda beresi alai endur aku diau.".

Nitih ke berita ke dipansut ari Opis Pengerai Malaysia, ba bulan 10 tu tadi, bisi 2158 kes baru udah di repot ka nyadi. Ari repot nyak, menua Johor (80kes), Pahang (18kes), Negeri Sembilan (5kes), Pulau Pinang(3 kes) enggau Terengganu(1 kes). 

Nitih ke pansik ke digaga Opis Pengerai, siti ari kebuah kes demam denggi (sakit nyamuk) tu tau nyadi laban pengawa mensia ti selalu nugung/ muai ke sampah ba sebelah tanah tauka ba sengapa endur.

Perati ke alai endur kitai diau. Anang ngelak ke bala tayar tauka butul kosong penuh enggau
 ai laban nyak tau nyadi ke endur alai nyamuk betelo.

Penyakit denggi tu susah ka dikelai lebuh ia baru nyadi laban tanda-tanda ia sama baka penyakit chelap angat. Nyak alai enti kitak bisi ngembuan tanda-tanda baka ke ba gambar di baruh tu, anang belubah nganjung diri ke sepital. Kitai mesti ka beringat, nagang penyakit ari pun manah agi ari ngenat ke pemedis ke balat agi ba dudi ari.

Nyak alai, semua bala nembiak rumah panjai dilalau semampai nyaga pemeresi keliling rumah panjai. Anang ngelak ke tin-tin kosong penuh enggau ai tauka rumput panjai ngalah ke peninggi atap rumah. Sama-sama meh kitai bejaga ke pemeresi rumah panjai. Ingat ke jako iklan ba TV, 

"Tiada Aedes, Tiada Denggi"

Salam sayau ari kami ba Sg.Ipoh.

Safety First

Nama berita bala pengabang ba page tu?
Cukup lama admin udah enda nulis berita ke baru ari rumah panjai kami ba Sungai Ipoh.
Minta ampun ngagai kita semua laban ke kelalu maioh pengawa nadai ulih muka page tu belama.

Nyadi ke sekali tu aku ka mai kitai merati ke kes selalu nyadi enti datai musim kemarau ianya rita rumah angus. Rita rumah angus tu ukai semina didinga kitai lebuh maya musim kemarau tang mega ulih nyadi ba maya bukai. Nyak alai semua nembiak rumah panjai dilalau bejaga-jaga enti maya ngidup ke api ba tanah tauka berapi ba rumah. Anang sesekali ngelak ke utai ke di panduk kita ba dapur nadai urang nguan. 

Sekeda ari gambar rumah panjai angus ke diambi ari BorneoPost online.
(Penusah nyadi ba Rumah Panjai Perpetua Lika)

Gambar diambi ari Gerama's Blog
(Penusah nyadi ba rumah panjai Lepong Ajai Sg.Liam)

Laban kitai sama bela nemu api sigi jampat ngerarai nyak alai tiap ruang bilik patut ngembuan pemadam api. Ke diatu, tiap pintu bilik ngembuan pemadam api ke mit aja. Tang rita badas ke baru diterima ari Mr.Jelema ianya pemadam api ke dipinta ari Bomba Bintulu udah diterima.

Mr.Jelema nerima bantu pemadam api ari Jabatan Bomba Bintulu.

Meri terima kasih ngagai Jabatan Bomba Bintulu.

Nyadi ingat bala semua, anang enda bejaga-jaga. Api ukai tau nyadi ke kaban nti udah ngerarai. Ambis angus reta tengkira nadai ngawa agi ulih diganti, tang enti bisi nyawa ke bebadi nyak enda ulih diputar ke kitai baru.

Salam sayau ari kami ba Sg.Ipoh...