Aram Meresi Rumah Panjai!

Nama berita bala semua?
Arap ke gerai magang..
Enti kitai ninga tauka macha ba berita diatu, maioh mai macham penyakit nyadi. Kebuah penyakit tu nyadi baka sakit nyamuk enggau sakit kemik chit ketegal urung pendiau ti kamah.  Nyak alai bala nembiak rumah panjai semampai ngereja pengawa gotong royong dikena napi penyakit tu ari nyadi.
Arap kitai sama meda sekeda pengawa dikereja sida ia sarinyak.

Baju burak (duduk): Pun kayu ke mit tu pama meh alai belindung..
* Dalam runding: kati enti aku ngaga langkau ditu alai duduk2 lemai ari neh??

Baju biru: kati gaya runding nuan cikgu?
Baju hijau: Aku agi berunding tu aya cikgu.
* lebuh maya bala cikgu berandau, bendar ber"cikgu" ke pangan diri..

Baju chelum: Dah tu tuai?
Baju burak: Bedau nyak Didek, pajak ke agi

Latihan Memadamkan Kebakaran

Selamat pagi nuju bala pembaca blog Sg Ipoh.

Nama berita bala kita ba taun 2017 tu? Arap bala sama bela gerai. Rita kami ba Sg Ipoh mengkang manah baka selama ditambah ke agi sepengudah udah datai karan ba rumah panjai kami. Naka meh pengaga diatu enda bebeli ke minyak injin api. 

Pulai ngagai tajuk post kitai saritu ianya latihan memadamkan kebakaran.  Nyadi pengawa tu udah dikereja kena ke 28.1.2017, lebuh maya cuti taun baru cina tu tadi. Suah bendar kitai ninga berita rumah panjai angus dalam timpoh beberapa bulan ke udah. Tu mega mai ati ti irau laban enda maioh bala anembiak rumah panjai ti nemu beguna ke fire extinguisher. Nya alai, di ketuai ke Mr.Jelema, komiti penyaga pengelikun rumah panjai udah setuju ngaga latihan tu kelebih agi ngajar bala sida ke indu ke suah agi gawa ba dapur beguna ke api. 

Sekeda ari gambar maya sarinyak:

Ngagai bala nembiak rumah panjai ke udah enggau pengawa tu, terima kasih ngagai sukung bala kita. Ngarap ke kitai sama bela bejaga ke pengelikun rumah panjai.

Pengawa Gotong Royong

Kena ke 31.7.2016 tu kemarik, bala nembiak rumah panjai udah bergempuru ngadu ke pengawa gotong royong. Batang pengawa ke sarinyak nyengkaum meresa paip jamban enggau meresi sungai. 

Nyaga pemeresi palan alai diau sigi patut dikemeratka laban endur ti kamah tau ngundang macham penyakit ke dibai nyamuk, lalat enggau bansa macham jelu ke bukai. Nyak alai nitih ke aum ke udah ditetapka, pengawa gotong royong sigi patut dikereja dua bulan sekali. Terima kasih ngagai semua bala nembiak rumah panjai ke udah enggau ngulu pengawa tu...

# Apayangpentingkerjasama....

Growing In Christ

Program ti deka digaga ba Rh.Dayong kena ke 17hb-19hb Jun 2016 tu. Barang sapa ti beminat tau madah ngagai Mr.Lawrence tauka Mr.Alexander. 

Pengawa Gotong Royong 24/4/2016

Nama berita bala semua?

Udah merarau baka ke tengah ari tu.

Saritu, aku ka mai kita meda pengawa kami serumah kena ke 24/4/2016 tu tadi.

Baka selama program gotong royong semampai digaga kena meresi rumah panjai kawasan rumah panjai. Sekali tu, gotong royong digaga kena nganta ke bala temuai ti deka datai ujung bulan tu.

Terima kasih ngagai bala ke udah enggau ngereja pengawa tu.

TR: mesti ka tan pagar tu, enda alah tingkil ila maya temuai datai!
Apai Cheraring & Setia : Okay, boss!

Mese nyak kita rumput! - Aki Engkala

Enggai alah laban apai! -Apai Tema

Urang empu pengawa ujung bulan tu mesti lebih gik gawa..

Kami ka meh begambar...

Ngetu dulu wai...dah bendar!

Upacara ngaga design pun kayu!-Didik

Ngintu Ari Pengada

Selamat Ari Pengada ngagai Tuai Rumah enggau anak ia ti sama bela ada ba bulan 3.
Arap ke meruan diberkat ke dalam semua pengawa serta bepengerai.

Pelajar Sekula

Kitai nyau ka datai ba bulan 2. Gawai pen majak ngansak sesemak, nyau nadai berasai ari beganti. Ngagai bala nembiak ke ngambi peresa SPM taun nyin kemarik, nyau majak kesal asai ati nganti pemutus, nda piak? 

Kati udah bisi ba runding bala nembiak semua, nama pelajar ka diambi kita pengudah nerima pemutus peresa SPM tu ila? Ngagai bala ke bedau agi ngisi borang UPU, tau berengkah ngisi diatu borang UPU (tarikh tutup: 5 April 2016). Kita tau nemu enggau silik agi pasal UPU tu ba laman web UPU ( http://upu.mohe.gov.my/web/  ). Siti pesan aku ngagai bala menyadi ke benung nganti pemutus peresa, manah tauka nda manah pemutus peresa kita ila, isi aja form nuju palan pelajar ke bisi diatu. Kitai enda nemu nama utai ti ulih kita ila. 

Bisi sekeda ke kala dipeda ba taun ti udah, meda pemutus peresa SPM diri enda entu mujur, lalu badu nyambung pelajar. Anang bakanyak bala menyadi, agi maioh peluang belajar ke bukai ti ulih diambi kitai. Ambi ke chunto, kita mega tau nyambung pelajar ba Institut Kemahiran Belia Negara (IKBN) enggau ba Institut Latihan Perindustrian (ILP). Kita mega tau berengkah ngisi form tama ngagai IKBN diatu (tarikh tutup: 5 April 2016). 

Gambar diambi ari: www.freepik.com

Bala menyadi, sigi enda kala senang pengidup kitai ti belajar. Nadai kala urang nyebut senang, tang nengah pemandai enggau pengelandik aja kitai ulih ngubah pengidup diri enggau sebilik. Semua tu bepanggai ba kita empu bala menyadi, meseti ka ngembuan juluk ati lalu ari nyak ransing ati nyapai juluk ati kita.

Aku ngambi jako ari Tr.Michael Jalak(ari menua Sibu):

"Tu meh pemujur ti deka dipeda kami ngambika ulih besemekih ba pengidup enggau bansa bukai ba dunya ke majak mansang". -Borneo Post

Tr.Michael Jalak siko ari tuai rumah ti ngemeratka pelajar sekula lalu rumah panjai tu mega udah nyadi chunto ba menua Sibu. Admin cukup gaga ati meda rumah panjai tu bisi ngembuan palan alai bala nembiak belajar lebuh maya lepa. Engka tu tau dititih ke kitai ba Sg.Ipoh ianya ngembuan mini-library tauka palan belajar. 

Ngagai sida ti agi besekula, belajar bebendar lalu titih ke pesan bala pengajar. Ngagai ia ke benung nganti pemutus SPM, anang kelalu irau ati tang semampai besampi ngambi ke pemutus peresa nyak ila tau mai kita jauh agi dalam pelajar.

Ps: Gaga ati meda bala menyadi ba Sg.Ipoh nyau udah maioh ngena topi segi empat diatu.