Pengerami Krismas 2013(Part 2)

nyambung cherita Part 1 pengerami Krismas 2013

nyadi tu cherita pengerami kena ke 25/12/2013..

pagi 25/12/2013, sembiang Krismas..(nadai gambar laban semua bala cameraman +camerawoman nyadi ahli koir pagi)

Pekit Krismas berengkah jam 1 tengah ari enggau pekit mewarna.

sekeda ari gambar bala ke enggau pekit mewarna..

ambis mewarna, kami bisi pekit Treasure Hunt..

bendar bala besukat ke tubuh, ngira lampu enggau kipas, ngentak ke tin..

macam-macam gelagat..

indik ba batu bata nyak Apai Bia...

amat tusah ngiga barang dalam gambar tu..

udah ambis treasure hunt, bala anak mit bisi aktiviti ngaga kad krismas.

asai ke ngaga kelas tadika..rindu ati meda bala sida ia.

okay, diatu kitai ka nemu nama nyadi malam ari 25/12/2013...

program malam start enggau persembahan Feliz Navidad enggau Jingle Bells ari bala menyadi..

bala santa dah sedia ka menari..

steady magang..

pekit malam nyak kami bisi: Pekit Candy, Pekit Belon, Pekit Makai Mee, Pekit Teh Tarik

bala penyukung

aku meri terima kasih ngagai semua bala komiti ti udah ngadu ke program Krismas ke sekali tu. serta meri terima kasih mega bala serumah ti udah nyukung serta semampai sporting belama.

enti bisi pengurang, kami minta ampun ngagai semua

.enggau peluang tu mega, meri Selamat Taun Baru ngagai semua.

Pengerami Krismas 2013(PART 1)

Ho ho ho!

Selamat Ari Krismas enggau Selamat Taun Baru.

baka ke udah di janji ke aku sebedau tu,

aku deka bekunsi ke cherita pengerami Krismas baka ke taun tu.

sari 24/12/2013...

kami bisi BBQ (kira ke pra-Krismas tu)..

nyadi bala nembiak bisi pekit ngaga bag ari surat khabar seraya ke

 nganti BBQ tembu dipanggang.

kada betul utai dilipat nuan nyak bia?

Google dulu engka bisi chara ngelipat bag tu ba internet...

ka meda menu BBQ??

malam nyak (24/12/2013), kami bisi sembiang Krismas.

udah sembiang baka selama, makai serumpu.

special taun tu, kami bisi ngaga pementasan lakonan ari pengada Tuhan Jesus.

meri terima kasih ngagai semua bala menyadi ti udah enggau dalam pengawa tu.

ambis belakon, kitai menari.

sigi bisi bakat magang bala madik ba sg ipoh tu.

tu baru cherita sari 24/12/2013, cherita 25hb disambung kitai ba part 2..

Program Krismas

kitai udah datai ba minggu Krismas.

enti baka ba menua urang putih, udah pansut salji jam tu.

enggau kitai ditu ukai salji pansut, ujan belama ari.

ni ke irau ke ai ti bah.

sigi baka ari, munyi ko lagu nemu bebali enda ngira maya.

taun tu  kami ka meli pun krismas (ye ye ye!)

(maya aku nulis post tu, pun krismas bedau agi dibeli. udah maioh ambis dibeli urang pun krismas ba supersave huhuhu)

program krismas taun tu baka selama udah di sedia ke, 

nganti ari endur ngadu ke iya.

kati bala anembiak rumah panjai udah nyendia kediri ke program krismas taun tu?

sekeda ari program ti selalu digaga enda dipertanding ka sekali tu

baka Fancy Dress. tang deka diganti enggau main ke bukai.

ka nemu sapa nyadi juara ba games krismas taun tu??

sama-sama nantikan ba post ti ka datai.

sekali agi, kami serumah meri

SELAMAT ARI KRISMAS ENGGAU TAUN BARU.

GOD BLESS YOU ALL.. 

Kuih Donut

Sapa ditu selalu meli kuih donut ba pasar?

angkat ke jari!

aku baru nemu Indai Tema(Bilik No 9) chukup pandai ngaga kuih donut.

tau ngaga kelas ngaga donut kitai ba rumah panjai udah tu.

munyi ko Indai Tema, nadai maioh bahan kena ngaga ia..

asal anang engkah marjerin enggau telo 

enggai ke enti maya donut(kuih gelang ko kitai iban)

 nyak udah chelap nyau tengkering baka batu.

kelebihan kuih gelang tu mega, nti udah chelap ulih diangat ke baru tang ia nda tengkering..masih lembut begitu!

sekali agi pulai, ka aku minta ajar (nyengkaum kitai semua) 

ngaga kuih gelang tu ngambi ke badu meli ba pasar.

peda kita gamal kuih gelang tu..nyamai wai!

SELAMAT ARI KRISMAS ENGGAU SELAMAT TAUN BARU

Kami serumah meri jako

Selamat Ari Krismas Enggau Selamat Taun Baru 2014.

Sembiang Baptisa

Baptisa anak mit enggau urang besai tuai

kena ke malam 26/10/2013 tu tadi, 

Rumah Panjai Sg.Ipoh bisi ngatur pengawa sembiang baptisa anak mit enggau urang besai 

tuai.

pengawa tu betuai ke Pengajar Michael Chagat. 

Malam nya mega, kami serumah bisi ngintu ari pengada.

Happy Birthday ngagai semua ti ngintu ari pengada bulan 10.

Arap ke bulih jereki sereta panjai umur nguan menua!

Makai

kekadang dalam pengawa berumah panjai, kitai mesti bisi

jalai dikena ngerapit ke kaul enggau bala serumah. 

lalu siti ari jalai nyak ianya makai serumpu!

minggu tu tadi kami gempuru enggau pangan diri ketegal makai penyaram.

2 minggu sebedau nyak kami gempuru 

ketegal manggang pala enggau sayap manuk.

iya ke program ngulam nyak nibuh kira, setiap minggu enti ulih.

Rindu ati meda bala makai begulai bakatu.

Credit: Mr.Alexander FB

Menu terhangat = Pala manuk
Credit: Mr.Alexander FB

Penaja tempat memanggang = Mr.Jelema
Credit: Mr.Alexander FB

“Home wasn't a set house, or a single town on a map. It was wherever the people who loved you were, whenever you were together. Not a place, but a moment, and then another, building on each other like bricks to create a solid shelter that you take with you for your entire life, wherever you may go.” 

― Sarah Dessen, What Happened to Goodbye

Cherita Minta Ari Ujan

Nyadi ngiling bidai taun 2013 ditetapka kena 6.7.2013. Asai aku nemu magang bala kita maya nyak musim kemarau. Ni ke musim jerebu. Ka pemaioh tangki kami serumah nemu meh rangkai. Nyau ulih ngelimat ke ai.

Nyadi sari ari minggu 30.6.2013, kami begempuru meeting netap ke semua atur. Sebedau nyak, kami bisi sembiang gempuru (sembiang ari minggu). Nyadi aku agi ingat ke leka sampi Aki Cikgu Angkau (apai Gait) pagi nyak ti besampi ke minta ari ujan ba rumah panjai kami tu. Aku nemu gerenti bisi sekeda kitak ka ketawa ninga leka sampi nyak, tang aku enggau kami serumah mega dalam ati besampi ke utai ti sama baka enggau ia. Nampak mustahil munyi ko jako urang(udah ga ngenyala amai ari panas bisa sarinyak), tang sampi ti datai ari ati urang ti pechaya sigi didinga Apai kitai di serega.

Tembu sembiang, kami pen meeting lalu buah randau ti amat penting ianya masalah ai. Bemacham meh chara dirunding ke bakani ka ngiga ai maya pengerami ila. Pengambis meeting bala pen nguji ke chara ti udah dikerandau dalam meeting ianya ngepam ai ari sungai (tu kereja sida ke lelaki magang tu).

Tang enda mukai-mukai, ari ti panas bisa pagi nyak, nyau belabuh bemua ngilah tengah ari. “enda ari nyak nyadi ujan” munyi ko sekeda, tang munyi ko aku tadi leka sampi urang ti pechaya sigi didinga Apai.

Ari pen ujan enda lama udah nyak. Taja pen ujan enda lama, tang cukup meh kena ngisi tangki ti kosong. Tang nyelai ia, ba endur kami nyak aja pansa ujan. Hurm..

Lalu sari sebedau pengerami, ari ujan ari pagi datai ke malam. Nyak ukai mina penuh tangki, nyau mungkar diayah ke ai enggau aku.

Sigi besai kuasa Apai, aku arap ke bala kita mega seruran pechaya ke-Iya. Dalam setiap penusah kitai enda ngira mit tauka besai ( logic ke enda logic) , asal kitai arap, Ia sigi nulung kitai belama.

Ngambi Pengabang 2.6.2013

Okay, sambung baru cherita ari Gawai rumah panjai kami.

Sari 2.6.2013, kami ngambi bala pengabang ari TR.Bugat. Program belabuh jam 2 lemai. Ari pagi bala dah besedia ke pemakai enggau semua utai ti patut dikereja. Kira ke pengawa besai ga tu, laban bedau kala kami ke biak meda atur ngambi pengabang bakatu. Selalu ia enti pengabang datai sida lalu duduk sereta makai. Sekali tu pengabang sigi disambut enggau penuh adat. Terima kasih ngagai bala aya ibuk ti udah meri peluang kami meda pengerami tu.

Bala ke datai..hurm..sigi umbas pemaioh ia. Ukai mina bala ari Tr.Bugat aja datai, bala ari Rh Limai/Entawai pen bisi..

Kami serumah panjai sigi meri terima kasih ngagai semua bala pengabang ti udah datai. Kami mega berasai gaga laban pengudah bendar ngambis ke ai tangki dalam 3 ari nyak, ujan datai ba malam ari 2.6.2013. Puji Tuhan! Pemuas ia bemua ari, bisi ga ujan..

Enjoy meda gambar ba baruh tu.. :-)

bala penari Sg.Ipoh

Bala pengabang ari Rh.Bugat

Empa magang pemakai ke udah disedia ka..

team rumah baruh datai ngabang! Tenkiu ngagai bala kita ke sporting belama..

Cherita ari Gawai tu deka disambung enggau pengerami Ngiling Bidai 2013. 

Nyambut Gawai 1.6.2013

Hello semua! Nama berita bala kitak wai? Arap ke mujur sereta gerai belama. Nyadi asai aku laun amai aku deka nyambung cherita pengerami ari Gawai sarinyak.

Sambung cherita pengerami kami kena ke sari 1.6.2013.

Pagi 1.6.2013 baka selama nemu-nemu meh bala kitai, bala mensia sigi tumbang magang. Tang taun tu bisi lain mimit peda aku ba kami serumah. Tumu magang sida ia dani tajapen udah bendar malam ari. 

Rancangan ari 1.6.2013, ngipa pengabang datai enggau nurun ngabang. Nyadi kami sebuat ngabang ngagai bala kaban belayan ba Rh.Limai/Entawai. Kira ke setengah ari bisi kami ba rumah panjai baruh din.

Ngilah ke lemai, jam 4 bakanyak team rumah baruh(Rh.Limai) datai ngabang. Berengkah baru meh pengawa belagu, ia ke betanda ngasak meh diak. Nyadi lagu popular taun tu, “anang ngansak sesemak” ari wendy. Lalu meh bala ibuk begaga ke marik “emas” mesai pinggai.

Kira jam 7 bakanyak, pulai meh bala pengabang. Tang program sari 1.6.2013 ukai semina nyak aja. Program pekit malam ari disambung baru lalu berengkah jam 8.30 malam. Baka selama, bala komiti Gawai sigi maioh macham main dikena ngerami Gawai.

Pekit ke terubah,Pekit Baris Paling Panjai..Ambis tengkira ba tubuh enggau ba ruai dikena ngaga baris paling panjai.

Udahnyak, Pekit Ai Beer. Anang saru auk, pekit ai beer tu ukai pekit ngirup ai beer, tang pekit ti nentu ke sapa ulih ngambu nama ai beer ke di beri asuh sida ia.

Malam nyak kami mega bisi pekit Fancy Dress anak mit enggau Pekit Fancy Dress Bala Indai.

Dah puas bepekit, kitai poco-poco..

Pekit Makai Biskut tu pekit ti lucu ga. Maioh kitai ngumbai ulih makai biskut tu enggau laju, tang malam nyak nunjuk ka enda semua kitai ulih makai biskut tu munyi ko jako.

Baka selama, dah puas bemain, jam kitai makai agi..enti kita datai ngabang tauka enggau kami berami ila anang irau pasal pemakai. Kami sigi nyendia makai lemai enggau makai tengah malam. Endur mandi pen bisi mega disedia ka (Sg.Ipoh), peninduk pen bisi(manah ruai kami wai endur gali).

Auk leka ke aku naka tu dulu cherita 1.6.2013..betemu kitai ba cherita 2.6.2013(ari ngambi pengabang)