Selamat lemai ngagai bala kita.
baru saritu aku ulih nulis blog tu baru laban ke tabin berapa ari ke udah. enti maya di rumah sigi maioh macham pengawa di kereja. enchelak mata lalu gawa.sebedau nambah maioh pengawa, manah aku nulis cherita tu dulu.
pekara badas ti nyadi maya timpoh tu, ari bisi ujan. siti pekara ti bangat ngasuh ati bala kami bangat irau ianya enti nadai ai laban kami serumah sigi nguna ai tangki/ai ujan. tang nasib manah, udah tembu pengawa pagi ari lalu ujan. pia mega malam nyak bisi ujan. bisi ka ai kena bebasu enggau bebela. arap bendar ba taun 2013 tu, paip ai LAKU datai ba rumah panjai. okayla, umbas dulu aku becherita. iya nyau ingat baru ila nusi baru ga.
aku deka mantai sekeda agi gambar ke di ambi maya sari enggau malam mangkong tiang sarinyak. nyadi malam nyak kami di perindang band Lippie," Koboi Ngeransi". chukup pengerami ia malam nyak. munyi ko tusoi menyadi aku, nyau semak jam 5 baru program ngetu. aku dah lama kong, laban ke kelalu lelak sarinyak.
bah, aram kitai sama meda gambar-gambar tu..
Ba peluang tu mega aku meri terima kasih ngagai bala "juruelektrik" ke udah ngadu ke tali karan ngagai endur parking enggau ba jalai nuju ke sungai baka Mr.Adrian, Mr.Roberto, Mr. Steward, Mr.Alexander, Mr. Angwilbert, Mr. Jayner enggau bala ke bukai ke udah mantu maya tu.
Pia mega meri terima kasih ngagai bala PA System Group, Mr.Tommy enggau MC malam nyak. terima kasih ari kami serumah.
aku deka nulis baru part 3 dalam minggu tu nganti berambi ke gambar ari Mdm Sena, selaku jurukamera maya pengerami di Sg.Ipoh. gerenti maioh macham gambar ti ulih dipeda kitai. ngarap ke bala sama besabar nganti entry tu..
No comments:
Post a Comment